Jezóndheet

Wen-s te ´t has, merks te ´t nit den dan felt diech nuus.

Wen-s te ´t nit has dan felt ´t diech zier: Jezóndheet.

Wie zaat d‘r opa vruier ummer: wen-s te pech has, kans te inne vinger an vód tserbrèche. Noen is dat de klingste pieng die-ts te kans han. D’r vinger deet effe pieng bij ´t brèche, doanoa legke ze hem i jieps en da veuls te hem nit mieë.

Sjlimmer is wens te de nakhoare briks, den dat is zoeë vreksde kót bij der haos dat-s te dem waal ins mit kans brèche en dat wunsj te doch jee miensj. Briks te ´t hats dan zunt dat mieëtstens angere sjood en da hulpt óch jinne velpon mieë. Richtieg sjlim weëd ´t wen-s te jet tusje de oere veel has.

Wen ´t óp dat duuster zöldertsimmer sjpoeëkt, is zoeëjaar d’r sjlauwste dokter mit sjtomheet jesjlage. Da dinks te reëts en zeës links, doe wils eróp en vils eraaf, doe kieks noa wies en zies sjwats. Doe móts diech aan de eje hoare oes der sjlam trekke en dat vilt mit inne platekop nit mit. Nè, da kans te besser inne vóts kweer han zitse. Da kanne zoeëjaar angere ruche wen ´t diech werm besser jeet en zelver versjtees te woa de zagenswies vanaaf kunt:

“Deë vräut ziech uvver jiddere vóts”.

Wen ze diech van inne vertselle dat heë jet an de vus hat, maach diech dan nit tse vöal jedanke uvver zieng jezónkheet. Pieng an ´t potmanee hat deë i jiddes jeval nit. Tsem sljoes wunsj iech uuch dan óch allemoal vöal jezóndheet en jenóg jeld um van de jezóndheet tse kanne jenisse.

Sjengke Sjlauwberjer